Infertility Prevention Vaccine: ప్రస్తుతం వైద్యశాస్త్రంలో సంతానలేమి (Infertility) ని పూర్తిగా నివారించే ప్రత్యేకమైన వ్యాక్సిన్ అందుబాటులో లేదు. ఎందుకంటే సంతానలేమి ఒక్క కారణం వల్ల కాకుండా, అనేక శారీరక, హార్మోనల్, జన్యు (Genetic), జీవనశైలి మరియు ఇన్ఫెక్షన్ల వల్ల వస్తుంది. అందువల్ల దీన్ని నివారించడానికి ఒకే రకమైన వ్యాక్సిన్ రూపొందించడం సాధ్యంకాదు.
అయితే, కొన్ని ఇన్ఫెక్షన్లు మరియు వ్యాధులు భవిష్యత్తులో ఫెర్టిలిటీపై ప్రభావం చూపవచ్చు. ఉదాహరణకు, రుబెల్లా (Rubella), మంప్స్ (Mumps), హ్యూమన్ పాపిలోమా వైరస్ – HPV వంటి ఇన్ఫెక్షన్లు స్త్రీ, పురుషుల రీప్రొడక్టివ్ సిస్టమ్‌పై ప్రభావం చూపే అవకాశం ఉంటుంది. ఈ వ్యాధుల నుంచి రక్షణ కోసం సరైన వ్యాక్సిన్లు తీసుకోవడం భవిష్యత్తులో గర్భధారణ అవకాశాలను కాపాడుతుంది.
ప్రత్యేకంగా పురుషుల్లో మంప్స్ ఇన్ఫెక్షన్ వలన వృషణాల వాపు (Mumps Orchitis) వచ్చే ప్రమాదం ఉంటుంది, ఇది స్పెర్మ్ ఉత్పత్తిని తగ్గిస్తుంది. అలాగే, స్త్రీల్లో రుబెల్లా ఇన్ఫెక్షన్ గర్భధారణలో తీవ్రమైన సమస్యలకు కారణమవుతుంది. అందుకే ఈ వ్యాక్సిన్లను చిన్న వయసులో లేదా వివాహం ముందు తీసుకోవడం సిఫార్సు చేస్తారు.
సంతానలేమిని పూర్తిగా అడ్డుకునే "ఒకే వ్యాక్సిన్" లేదుగాని, కొన్ని ఇన్ఫెక్షన్ల నుంచి రక్షించే వ్యాక్సిన్లు భవిష్యత్తులో ఫెర్టిలిటీని కాపాడటానికి సహాయపడతాయి. కాబట్టి, వివాహం లేదా గర్భధారణ ప్రణాళికకు ముందు డాక్టర్ సలహా మేరకు అవసరమైన అన్ని వ్యాక్సిన్లు తీసుకోవడం మంచిది.
Also Read: IVF ప్రొసీజర్ నొప్పితో కూడుకున్నదా?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility