Vaping and Fertility: ప్రస్తుత కాలంలో ధూమపానం (Smoking) మరియు వేపింగ్ (Vaping) అలవాట్లు యువతలో చాలా ఎక్కువగా కనిపిస్తున్నాయి. కొంతమంది వీటిని ఫ్యాషన్ గా, కొంతమంది స్ట్రెస్ తగ్గించుకోవడానికి చేస్తారు. కానీ వీటి వల్ల ఆరోగ్యంపై పడే ప్రభావం ఎంత ప్రమాదకరమో చాలామంది గ్రహించరు. ముఖ్యంగా సహజంగా పిల్లలు పుట్టే అవకాశాలు (Natural Fertility) మీద వీటి ప్రభావం చాలా తీవ్రమైనది.
1. స్మోకింగ్ వల్ల స్త్రీల ఫెర్టిలిటీ పై ప్రభావం
సిగరెట్ లో దాదాపు 7,000 పైగా హానికరమైన రసాయనాలు (chemicals) ఉంటాయి. వీటిలో నికోటిన్, కార్బన్ మోనాక్సైడ్, టార్ వంటి పదార్థాలు మహిళల రీప్రొడెక్షన్ వ్యవస్థపై నేరుగా ప్రభావం చూపుతాయి.
- గర్భాశయంలో గుడ్డు క్వాలిటీ తగ్గుతుంది - ఇది సహజ గర్భధారణను కష్టతరం చేస్తుంది.
- ఫాలోపియన్ ట్యూబ్స్ దెబ్బతింటాయి - గర్భాశయంలోకి fertilized egg చేరకుండా అడ్డంకులు ఏర్పడతాయి.
- మహిళల్లో గర్భస్రావం (Miscarriage) రిస్క్ పెరుగుతుంది.
- మెనోపాజ్ ముందుగానే రావచ్చు, దాంతో fertile years తగ్గిపోతాయి.
2. స్మోకింగ్ వల్ల పురుషుల ఫెర్టిలిటీ పై ప్రభావం
- సిగరెట్ తాగే పురుషుల్లో fertility సమస్యలు ఎక్కువగా ఉంటాయి.
- స్పెర్మ్ కౌంట్ తగ్గుతుంది – శుక్రకణాల సంఖ్య తగ్గిపోతుంది.
- స్పెర్మ్ మోటిలిటీ (movement) తగ్గుతుంది, దాంతో గుడ్డును fertilize చేయడం కష్టమవుతుంది.
- DNA డ్యామేజ్ జరిగి, పుట్టబోయే బిడ్డలో జన్యు లోపాలు వచ్చే ప్రమాదం పెరుగుతుంది.
- ఇరెక్షన్ సమస్యలు (Erectile dysfunction) కూడా రావచ్చు.
3. వేపింగ్ (Vaping) నిజంగా సేఫ్ అనుకోవచ్చా?
- ఇ-సిగరెట్లు (E-cigarettes) లేదా వేపింగ్ అనేది చాలా మంది సేఫ్ ఆల్టర్నేటివ్ అని అనుకుంటారు. కానీ ఇది కూడా అంతే హానికరం.
- వేపింగ్ లిక్విడ్స్ లో నికోటిన్, ఫార్మాల్డిహైడ్, హెవీ మెటల్స్ వంటి హానికరమైన పదార్థాలు ఉంటాయి.
- వీటివల్ల స్పెర్మ్ క్వాలిటీ, అండాశయాల పనితీరు దెబ్బతింటాయి.
- వేపింగ్ వల్ల oxidative stress పెరిగి, గర్భధారణ అవకాశాలు తగ్గుతాయి.
4. ధూమపానం & వేపింగ్ వల్ల గర్భధారణ సమయంలో వచ్చే సమస్యలు
ఒకవేళ స్మోకింగ్ లేదా వేపింగ్ చేసే వ్యక్తులు సహజంగా గర్భం దాల్చినా, గర్భధారణలో కూడా సమస్యలు తలెత్తుతాయి.
- గర్భస్రావం (Miscarriage) అవకాశం పెరుగుతుంది.
- తక్కువ బరువుతో (Low birth weight) బిడ్డ పుట్టే అవకాశం ఉంటుంది.
- అకాల ప్రసవం (Preterm birth) జరుగుతుంది.
- బిడ్డకు శ్వాసకోశ సమస్యలు రావచ్చు.
5. సహజ గర్భధారణ కోసం చేయాల్సింది ఏమిటి?
- స్మోకింగ్, వేపింగ్ పూర్తిగా మానేయాలి.
- 3 నుండి 6 నెలల పాటు పూర్తిగా ధూమపానం ఆపితే, స్పెర్మ్ క్వాలిటీ, ఎగ్ క్వాలిటీ క్రమంగా మెరుగవుతుంది.
- ఆరోగ్యకరమైన ఆహారం, వ్యాయామం, స్ట్రెస్ మేనేజ్‌మెంట్ fertility ని మెరుగుపరుస్తాయి.
- అవసరమైతే ఫెర్టిలిటీ స్పెషలిస్ట్ సలహా తీసుకోవాలి.
స్మోకింగ్, వేపింగ్ అలవాట్లు కేవలం ఊపిరితిత్తులకే కాదు, ప్రజనన సామర్థ్యానికి కూడా తీవ్ర శత్రువులు. సహజంగా పిల్లలు పుట్టే అవకాశాలు తగ్గిపోవడమే కాకుండా, గర్భధారణ సమయంలో తల్లి మరియు బిడ్డకు పెద్ద సమస్యలు తలెత్తుతాయి. కాబట్టి, ఆరోగ్యకరమైన కుటుంబ జీవితాన్ని కోరుకునే వారు తప్పనిసరిగా ఈ అలవాట్లను మానుకోవాలి.
Also Read: మేల్ గైనకాలజిస్ట్ కి ఎదురయ్యే సవాళ్లు!
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility