IVF for Male Infertility: మేల్ ఇన్ఫెర్టిలిటీకి IVF ఎలా సహాయపడుతుంది? అనే ప్రశ్నకు సమాధానం తెలుసుకోవడం చాలా ముఖ్యమైంది. ఎందుకంటే, సంతానలేమి సమస్యలో పురుషుల వంతు సుమారు 40–50% వరకు ఉంటుందనే విషయం వైద్య పరిశోధనల ద్వారా తేలింది. అయితే, వైద్య శాస్త్రం అభివృద్ధి చెందడంతో మేల్ ఇన్ఫెర్టిలిటీ ఉన్న పురుషులకు కూడా IVF (In Vitro Fertilization) ద్వారా తల్లిదండ్రులు అయ్యే అవకాశం కలుగుతోంది.
1. మేల్ ఇన్ఫెర్టిలిటీ అంటే ఏమిటి: మేల్ ఇన్ఫెర్టిలిటీ అనగా పురుషులలో స్పెర్మ్ కౌంట్ తక్కువగా ఉండడం, స్పెర్మ్ మోటిలిటీ (చలనం) తక్కువగా ఉండడం, స్పెర్మ్ ఆకృతి లోపంగా ఉండటం లేదా పూర్తిగా స్పెర్మ్ లేని పరిస్థితులు (జీరో స్పెర్మ్ కౌంట్). ఇవి గర్భధారణకు ప్రధాన అడ్డంకులుగా మారుతాయి.
2. IVF లో స్పెర్మ్ అవసరం?: IVF ప్రక్రియలో, మహిళ నుండి తీసిన ఎగ్స్‌ను పురుషుని స్పెర్మ్‌తో ల్యాబ్‌లో ఫెర్టిలైజ్ చేస్తారు. స్పెర్మ్ కౌంట్ తక్కువ ఉన్నా, కేవలం కొన్ని ఆరోగ్యమైన స్పెర్మ్ లభిస్తే సరిపోతుంది. టెస్ట్‌లు చేసి అతి మంచి స్పెర్మ్‌ను ఎంపిక చేస్తారు. ఈ పరిస్థితుల్లో ICSI (Intracytoplasmic Sperm Injection) అనే ప్రత్యేకమైన టెక్నిక్ ఉపయోగిస్తారు. ఇందులో ఒక్కో ఎగ్‌లోకి ఒక స్పెర్మ్‌ను నేరుగా చొప్పించడం జరుగుతుంది. స్పెర్మ్ కౌంట్ తక్కువ, మోటిలిటీ తక్కువ ఉన్నవారికి ఇది ఎంతో ఉపయోగం.
3. TESA / PESA సహాయం: సెమెన్‌లో స్పెర్మ్ లభించని పురుషుల కోసం, TESA (Testicular Sperm Aspiration), PESA (Percutaneous Epididymal Sperm Aspiration) వంటి టెక్నిక్స్ ద్వారా వృషణాల (టెస్టీస్) నుంచి నేరుగా స్పెర్మ్ తీసుకుంటారు. ఇది IVF ప్రాసెస్‌లో భాగంగా చేయవచ్చు.
4. IVF ద్వారా వచ్చే ప్రయోజనాలు:
- మేల్ ఇన్ఫెర్టిలిటీ ఉన్నా గర్భధారణ సాధ్యం అవుతుంది
- తక్కువ స్పెర్మ్ ఉన్నా గర్భం రావడానికి అవకాశం ఉంటుంది
- స్పెర్మ్ డోనర్ అవసరం లేకుండా, భర్త స్పెర్మ్‌తోనే సంతానాన్ని పొందవచ్చు
- శస్త్రచికిత్సలతో స్పెర్మ్ సేకరించే అవకాశాలున్నాయి
మేల్ ఇన్ఫెర్టిలిటీ అనేది కచ్చితంగా పరిష్కరించలేని సమస్య కాదు. IVF, ICSI, TESA, వంటి ఆధునిక పద్ధతులు, సాంకేతిక పరిజ్ఞానం సహాయంతో చాలా కుటుంబాలు తమ సంతాన కలను నెరవేర్చుకుంటున్నారు. సరైన డాక్టర్ గైడెన్స్ తో, నమ్మకంతో ముందుకు సాగితే మంచి ఫలితాలు పొందవచ్చు.
Also Read: ఫస్ట్ IVF ఫెయిల్యూర్ ని ఎలా ఎదుర్కోవాలి?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility