Body Temperature and Male Fertility: మగవారి ఫెర్టిలిటీ విషయంలో స్పెర్మ్ ఉత్పత్తి కీలకమైన ప్రక్రియ. ఈ ప్రక్రియ సాఫీగా జరిగేందుకు వృషణాలు సాధారణ శరీర ఉష్ణోగ్రత కన్నా కొద్దిగా తక్కువ ఉష్ణోగ్రతలో ఉండాలి. సాధారణంగా వృషణాల ఉష్ణోగ్రత శరీర ఉష్ణోగ్రత కంటే 2–4 డిగ్రీల వరకు తక్కువగా ఉంటుంది. అయితే శరీరంలో వేడి పెరగడం వల్ల స్పెర్మ్ పై ప్రతికూల ప్రభావం పడుతుంది.
 |
| High body temperature sperm quality |
వృషణాల చుట్టూ ఉష్ణోగ్రత పెరగడానికి పలు కారణాలు ఉంటాయి. ముఖ్యంగా వరికోసిల్ (వృషణాల్లో విస్తరించిన నరాలు) వల్ల రక్త ప్రసరణ సరిగా జరగకపోవడం, ఎక్కువసేపు మోకాలపై పెట్టుకుని ల్యాప్‌టాప్ ఉపయోగించడం, హాట్ వాటర్ బాత్‌లు, టైట్ అండర్‌వేర్ ధరించడం వంటివి ఉష్ణోగ్రత పెరగడానికి దారితీస్తాయి. దీర్ఘకాలం పాటు ఇలా జరగడం వల్ల స్పెర్మ్ ఉత్పత్తి ప్రభావితమవుతుంది.
Also Read: గర్భాశయ ఇన్ఫెక్షన్లకు హిస్టెరో-లాపరోస్కోపీ చికిత్సతో శాశ్వత పరిష్కారం!
ఉష్ణోగ్రత పెరగడం వలన వృషణాల శరీర నిర్మాణం డామేజ్ అవుతుంది. దానివల్ల, స్పెర్మ్ ఉత్పత్తి (spermatogenesis) మందగించవచ్చు. దీని వల్ల స్పెర్మ్ కౌంట్ తక్కువవడం, స్పెర్మ్ మోటిలిటీ (చలనం) బలహీనపడడం, స్పెర్మ్ ఆకృతి లోపించడం వంటి సమస్యలు కనిపిస్తాయి. కొంతమంది వ్యక్తులలో హార్మోనల్ అసమతుల్యత కూడా దీని వలన ప్రారంభమయ్యే అవకాశముంది.
 |
| Body Temperature and Male Fertility |
ఉష్ణోగ్రత పెరగడం తాత్కాలికంగా ఉన్నా కూడా, దీని ప్రభావం ఫెర్టిలిటీపై దీర్ఘకాలికంగా ఉండొచ్చు. ప్రత్యేకించి వరికోసిల్ ఉన్నవారిలో స్పెర్మ్ DNA నాణ్యత దెబ్బతినే అవకాశముంది. ఇది గర్భధారణ అవకాశాలను మరింత తగ్గించగలదు. అంతేగాక, కొంతమందిలో ఎంబ్రయో డెవలప్‌మెంట్ లో కూడా సమస్యలు రావచ్చు.
ఈ సమస్యల నుండి బయటపడటానికి కొన్ని ముఖ్యమైన జాగ్రత్తలు అవసరం. ఉదాహరణకు, హాట్ బాత్‌లు తగ్గించడం, కాటన్ లోదుస్తులు ధరించడం, మోకాలపై ఎక్కువసేపు ల్యాప్‌టాప్ వాడకపోవడం, వేడి వాతావరణాల్లో ఉండకపోవడం మొదలైనవి. వరికోసిల్ ఉన్నవారు తప్పకుండా యూరోలాజిస్ట్‌ను సంప్రదించి, సర్జికల్ లేదా నాన్-సర్జికల్ చికిత్స గురించి తెలుసుకోవాలి. సకాలంలో తీసుకునే నిర్ణయాలు ఫెర్టిలిటీ మెరుగుదలకు దోహదపడతాయి.
Also Read: మగవారిలో హార్మోనల్ ఇంబ్యాలెన్స్ ఫెర్టిలిటీపై ఎలా ప్రభావం చూపుతుంది?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility