Pregnancy Planning Diet: ప్రస్తుతం చాలామంది దంపతులు ప్రెగ్నెన్సీ కోసం ప్రయత్నిస్తున్నప్పుడు ఆహారంపై ప్రత్యేక శ్రద్ధ చూపుతున్నారు. ఎందుకంటే, గర్భధారణకు శరీరం సిద్ధంగా ఉండాలంటే ఆరోగ్యకరమైన డైట్ చాలా ముఖ్యం. సరైన పోషకాలు ఉన్న ఆహారం తీసుకుంటే గర్భధారణ అవకాశాలు పెరుగుతాయి. కేవలం మహిళలు మాత్రమే కాదు, పురుషులకూ ఫెర్టిలిటీ కోసం పోషకాహారం అవసరం. ఇప్పుడు ప్రెగ్నెన్సీకి ట్రై చేస్తున్న సమయంలో ఏ ఆహారాలు తీసుకోవాలో చూద్దాం.
- పచ్చి కూరగాయలు: పాలకూర, మెంతి, బచ్చలి, కాబేజీ, బ్రోకలీ వంటి గ్రీన్ లీఫీ వెజిటబుల్స్ లో ఫోలేట్ సమృద్ధిగా ఉంటుంది. ఫోలిక్ యాసిడ్ ప్రెగ్నెన్సీకి ముందు మరియు తర్వాత చాలా అవసరం. ఇవి ఎగ్ క్వాలిటీని మెరుగుపరచడంతో పాటు బిడ్డలో వచ్చే జన్యుపరమైన లోపాలను నివారించడంలో సహాయపడతాయి.
- తాజా పండ్లు: ఆపిల్, బనానా, కివి, ఆరెంజ్, ద్రాక్ష, బొప్పాయి (మితంగా), జామ వంటి పండ్లు విటమిన్లు, యాంటీఆక్సిడెంట్లు అందిస్తాయి. ఇవి శరీరంలో టాక్సిన్స్ తగ్గించి గర్భాశయ ఆరోగ్యాన్ని మెరుగుపరుస్తాయి. ముఖ్యంగా బెర్రీలు (స్ట్రాబెర్రీ, బ్లూబెర్రీ) తీసుకుంటే గుడ్డుల నాణ్యత (egg quality) పెరుగుతుంది.
- ప్రోటీన్ రిచ్ ఫుడ్స్: ప్రెగ్నెన్సీకి ట్రై చేస్తున్న మహిళలు మరియు పురుషులు ఇద్దరూ ప్రోటీన్ ఎక్కువగా తీసుకోవాలి. చికెన్, చేపలు, గుడ్లు, పెసరపప్పు, మినప్పప్పు, శనగలు వంటి ఆహారాలు హార్మోన్ స్థాయిలను సమతుల్యం చేసి గర్భధారణ అవకాశాలను పెంచుతాయి.
- నట్స్ మరియు సీడ్స్: బాదం, వాల్‌నట్స్, కాజూ, పిస్తా, చియా సీడ్స్, ఫ్లాక్స్ సీడ్స్, సన్‌ఫ్లవర్ సీడ్స్ వంటివి ఒమేగా-3 ఫ్యాటీ ఆమ్లాలు మరియు విటమిన్ E అందిస్తాయి. ఇవి స్పెర్మ్ కౌంట్ పెరగడానికి, ఎగ్ క్వాలిటీ మెరుగుపడటానికి చాలా సహాయపడతాయి.
- డెయిరీ ప్రోడక్ట్స్: పాలు, పెరుగు, పనీర్ వంటి ఆహార పదార్థాలు కాల్షియం మరియు విటమిన్ D లో బాగా ఉంటాయి. ఇవి గర్భాశయ ఆరోగ్యానికి మంచివి, అలాగే ఎముకల బలాన్ని కూడా పెంచుతాయి.
- హోల్ గ్రెయిన్స్: రాగి, జొన్న, సజ్జ, బార్లీ, ఓట్స్, బ్రౌన్ రైస్ వంటి ధాన్యాలలో ఫైబర్ మరియు మైక్రోన్యూట్రియంట్స్ పుష్కలంగా ఉంటాయి. ఇవి హార్మోన్ల సమతుల్యతకు సహాయం చేస్తాయి. అలాగే బరువును కంట్రోల్‌లో ఉంచుతాయి, ఇది ఫెర్టిలిటీకి చాలా అవసరం.
- వాటర్ అండ్ లిక్విడ్స్: తగినంత నీరు, కొబ్బరి నీళ్లు, ఫ్రూట్ జ్యూసులు వంటివి శరీరాన్ని హైడ్రేట్‌గా ఉంచుతాయి. డీహైడ్రేషన్ ఉంటే ఎగ్ మరియు స్పెర్మ్ క్వాలిటీ ప్రభావితం కావచ్చు.
ప్రెగ్నెన్సీకి ట్రై చేస్తున్నప్పుడు బ్యాలెన్స్డ్ ఫుడ్, సరైన జీవనశైలి, స్ట్రెస్ మేనేజ్‌మెంట్ చాలా ముఖ్యం. మద్యం, పొగ త్రాగడం, జంక్ ఫుడ్ వంటి వాటిని దూరంగా పెట్టి, పోషకాలు పుష్కలంగా ఉండే ఆహారం తీసుకుంటే గర్భధారణ అవకాశాలు మరింత పెరుగుతాయి. “సరైన ఆహారం సరైన సమయంలో తీసుకుంటేనే, కొత్త జీవితం ప్రారంభమవుతుందని” అని గుర్తుంచుకోవాలి.
Also Read: కాఫీ తాగితే పిల్లలు పుట్టే ఛాన్స్ తగ్గిపోతుందా?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility