Sperm Motility: స్పెర్మ్ మొటిలిటీ అంటే స్పెర్మ్ కణాలు ముందుకు స్విమ్ చేసే సామర్థ్యం. వీటిలో ఆరోగ్యకరమైన స్పెర్మ్‌లు గమ్యస్థానం వైపు శక్తిగా స్విమ్ చేయగలగాలి, అంటే అండానికి చేరుకుని ఫర్టిలైజ్ చేయగలగాలి. అయితే స్పెర్మ్ కదలిక (motility) తక్కువగా ఉండటం వల్ల గర్భధారణ జరగకపోవచ్చు. ముఖ్యంగా, నేరుగా ముందుకు కదిలే స్పెర్మ్‌లు 32% కంటే తక్కువగా ఉంటే, అది ఫెర్టిలిటీ సమస్యగా పరిగణించబడుతుంది.
 |
| Sperm Motility |
కదలిక తక్కువగా ఉండటానికి చాలా కారణాలు ఉండవచ్చు. ఒత్తిడి, అసమతుల హార్మోన్ స్థాయిలు, ఆక్సిడేటివ్ స్ట్రెస్, వైరల్ లేదా బ్యాక్టీరియా ఇన్ఫెక్షన్లు, జీవనశైలి లోపాలు మొదలైనవి. కొన్ని సందర్భాల్లో వేరికోసెల్ (వృషణాల చుట్టూ ఉన్న రక్తనాళాల వాపు) వంటి ఆరోగ్య సమస్యలు కూడా స్పెర్మ్ క్వాలిటీపై ప్రభావం చూపుతాయి.
స్పెర్మ్ చలనం తక్కువగా ఉన్నా, కొన్ని పద్ధతుల ద్వారా గర్భధారణ సాధ్యమే. IUI (Intrauterine Insemination), IVF (In Vitro Fertilization), మరియు ICSI (Intracytoplasmic Sperm Injection) వంటి సాంకేతిక విధానాల ద్వారా గర్భధారణ అవకాశాలను పెంచవచ్చు. డాక్టర్ గైడెన్స్‌తో స్పెర్మ్ అనాలసిస్ చేసి, తగిన చికిత్సలను ప్రారంభించడం చాలా ముఖ్యం.
మొటిలిటీ మెరుగవ్వాలంటే జీవితశైలిలో మార్పులు చేసుకోవడం అవసరం. ఆరోగ్యకరమైన డైట్, మద్యం, పొగతాగకుండా ఉండటం, మానసిక ఒత్తిడి తగ్గించడం వంటి అలవాట్లు వల్ల స్పెర్మ్ క్వాలిటీ మెరుగవుతుంది. అంతేకాదు, కొన్ని విటమిన్లు (విటమిన్ C, E, జింక్, సెలెనియం) మొటిలిటీ మెరుగుపరచడంలో సహాయపడతాయి.
తొలి ప్రయత్నంలో ఫలితం రాకపోయినా, ఆత్మవిశ్వాసాన్ని కోల్పోకుండా, పేషన్స్‌తో దశలవారీగా చికిత్సలు తీసుకుంటే మెరుగైన ఫలితాలు సాధ్యపడతాయి. చలనం తక్కువగా ఉండటం ఒక సమస్యే అయినా, ఆధునిక వైద్యంతో ఇది అధిగమించగల సమస్య.
Also Read: సెకండ్ ఇన్ఫెర్టిలిటీ కి కారణాలు ఏంటి?