Secondary Infertility Causes: సెకండరీ ఇన్ఫెర్టిలిటీ అంటే ఒకసారి గర్భం వచ్చిన తర్వాత, మళ్లీ గర్భం ధరించడంలో సమస్యలు కలిగే పరిస్థితి. ఇది చాలా మంది దంపతులు ఎదుర్కొనే సాధారణ సమస్య. మొదటి సంతానం తర్వాత కొన్ని సంవత్సరాల గ్యాప్ తీసుకున్న తర్వాత ఈ ఇబ్బందులు మొదలవుతాయి.
 |
| Secondary Infertility Causes |
దీనికి పలు కారణాలు ఉండవచ్చు:
- వయసుతో వచ్చే ప్రభావం: మహిళ వయసు 35 దాటి పోయిన తర్వాత అండాల నాణ్యత, సంఖ్య రెండూ తగ్గిపోతాయి. ఇది గర్భధారణను ప్రభావితం చేస్తుంది. ఇదే విధంగా పురుషుల్లో కూడా వయసుతో స్పెర్మ్ కౌంట్, మోటిలిటీ తగ్గవచ్చు.
- హార్మోన్ల అసమతుల్యత: PCOS, థైరాయిడ్, ప్రోలాక్టిన్ లెవల్స్ అసమతుల్యత వంటివి అండోత్సర్గం (Ovulation) ని దెబ్బతీస్తాయి. ఇది గర్భం రావడాన్ని అడ్డుకుంటుంది.
- గర్భధారణ లేదా డెలివరీ తర్వాత వచ్చిన సమస్యలు: 1st డెలివరీ తరువాత వచ్చిన సమస్యల వల్ల గర్భాశయంలో (uterus) పొర దెబ్బతినడం, సిజేరియన్ తర్వాత స్కార్ టిష్యూస్ ఉండటం వల్ల గర్భం రావడంలో ఆటంకం కలుగుతుంది.
- ఫాలొపియన్ ట్యూబ్స్ బ్లాక్స్: గర్భధారణ తర్వాత వచ్చిన ఇన్ఫెక్షన్లు, పెల్విక్ ఇన్ఫ్లమేటరీ డిసీజ్ (PID) వలన ట్యూబ్స్ బ్లాక్ కావడం కూడా సాధ్యమే. ఇలా బ్లాక్ అయ్యే ట్యూబ్స్ అండాన్ని సరిగా అభివృద్ధి చేయలేకపోవడం వల్ల గర్భం రావడం కష్టమవుతుంది.
- జీవనశైలి ప్రభావాలు: బరువు పెరగడం, మద్యపానం, ధూమపానం, ఒత్తిడి, నిద్రలేమి, పనిభారాలు వంటి జీవనశైలి కారణాలు కూడా హార్మోన్లపై ప్రభావం చూపి రెండోసారి గర్భం రావడాన్ని ఆలస్యం చేస్తాయి.
- పురుషులలో స్పెర్మ్ సమస్యలు: వయసు, దెబ్బలు, వైద్యచికిత్సల ప్రభావం వల్ల స్పెర్మ్ కౌంట్ లేదా నాణ్యత తగ్గిపోవచ్చు. ఇది సెకండరీ ఇన్‌ఫెర్టిలిటీలో ఒక పెద్ద కారణం.
ఒకసారి గర్భం వచ్చినా మళ్లీ రాకపోతే, అది చిన్న సమస్య కావొచ్చు, కానీ దీనిని నిర్లక్ష్యం చేయకుండా ఫెర్టిలిటీ స్పెషలిస్ట్‌ను సంప్రదించాలి. టైమ్లీ డయాగ్నోసిస్, సరైన చికిత్సతో సెకండరీ ఇన్ఫెర్టిలిటీ సమస్యను అధిగమించడం సాధ్యమే.
Also Read: అబార్షన్ తర్వాత గర్భం దాల్చే అవకాశాలు తగ్గుతాయా?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility