Natural Pregnancy After IVF: IVF చేయించుకోవడం వల్ల భవిష్యత్తులో సహజ గర్భధారణ సాధ్యం కాదనే అపోహ చాలా మందిలో ఉంది. వాస్తవానికి IVF ఒక సహాయక సంతానోత్పత్తి పద్ధతి మాత్రమే, ఇది గర్భాశయం లేదా అండాశయాల పనితీరును నిలిపివేయదు. IVF ద్వారా గర్భధారణ సాధించిన తరువాత కూడా చాలా మంది మహిళలు తరువాత సహజంగా గర్భం దాల్చిన ఉదాహరణలు ఉన్నాయి.
IVF చేయించుకోవాల్సిన కారణం ఏమిటో కూడా భవిష్యత్తులో సహజ గర్భధారణ అవకాశాలను ప్రభావితం చేస్తుంది. ఉదాహరణకు, ఫాలోపియన్ ట్యూబ్స్ పూర్తిగా బ్లాక్ అయ్యి IVF చేయించుకుంటే, సమస్య పరిష్కారం కానంతవరకు సహజ గర్భధారణ సాధ్యం కాదు. కానీ హార్మోన్ అసమతుల్యత, PCOS, తక్కువ స్పెర్మ్ కౌంట్ వంటి సమస్యల వల్ల IVF చేసిన జంటలు చికిత్స అనంతరం సహజ గర్భధారణ సాధించే అవకాశాలు ఎక్కువగా ఉంటాయి.
IVF ప్రక్రియలో అండకోశం, గర్భాశయం సక్రమంగా పనిచేస్తూనే ఉంటాయి. ఎలాంటి శాశ్వత నష్టం జరగదు. కాబట్టి IVF తర్వాత శరీరానికి సహజంగా గర్భధారణను అడ్డుకునే ప్రభావం ఉండదు.
అందువల్ల, IVF తర్వాత కూడా సహజ గర్భధారణ సాధ్యమే. అయితే underlying సమస్య ఏమిటి, దానిని పరిష్కరించగలిగామా లేదా అనేది ప్రధాన అంశం. ఫెర్టిలిటీ నిపుణుడిని సంప్రదించి మీ ఆరోగ్య పరిస్థితి ఆధారంగా స్పష్టమైన గైడెన్స్ పొందడం మంచిది.
Also Read: స్పెర్మ్ కౌంట్ ఎందుకు సడెన్‌గా పడిపోతుంది?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility