Delay sprays vs Viagra: ఈ రోజుల్లో చాలా మంది పురుషులు శృంగారంలో ఎక్కువసేపు ఉండాలనే కోరికతో వివిధ రకాల ట్యాబ్లెట్లు, స్ప్రేలు వాడుతున్నారు. ముఖ్యంగా డిలే స్ప్రేస్ లేదా వయాగ్రా లాంటి మెడికేషన్స్ వాడటం సాధారణమైంది. కానీ వీటి వాడకం నిజంగా సురక్షితమా? దీని వల్ల శృంగార సామర్థ్యం పెరుగుతుందా లేదా తగ్గిపోతుందా అనే విషయంలో చాలా మంది కన్ఫ్యూజ్ అవుతున్నారు. ఈ బ్లాగ్‌లో డా. శశాంత్ గారి వివరణ ఆధారంగా పూర్తి వివరాలు చూద్దాం.
డిలే స్ప్రేస్ ఎలా పనిచేస్తాయి?
డిలే స్ప్రేస్‌లో సాధారణంగా లిడోకైన్ లేదా ప్రిలోకైన్ లాంటి లోకల్ అనస్థీషియా పదార్థాలు ఉంటాయి. ఇవి పురుషాంగంపై స్ప్రే చేస్తే, అక్కడి నర్వ్స్ సెన్సిటివిటీ తగ్గుతుంది. దాంతో ఆర్గాసమ్ ఆలస్యంగా వస్తుంది. దీని వల్ల ఎక్కువసేపు శృంగారంలో కొనసాగగలుగుతారు. కానీ తరచుగా వాడితే నర్వ్ సెన్సిటివిటీ శాశ్వతంగా తగ్గిపోవచ్చు. కొందరికి స్ప్రే వల్ల బర్నింగ్, ఇర్రిటేషన్ లేదా అలర్జీ సమస్యలు రావచ్చు. ముఖ్యంగా ఈ స్ప్రే రిమ్నెంట్ మహిళా భాగాలకు తగలితే, వారికి కూడా నొప్పి లేదా ఇన్ఫెక్షన్లు వచ్చే అవకాశముంది.
వయాగ్రా (Viagra) ఎలా పనిచేస్తుంది?
- వయాగ్రా (Sildenafil) అనేది Erectile Dysfunction (ED) సమస్యకు వాడే ప్రిస్క్రిప్షన్ మెడిసిన్.
- ఇది పురుషాంగానికి బ్లడ్ సర్క్యులేషన్ పెంచుతుంది, దాంతో ఎరెక్షన్ స్ట్రాంగ్ అవుతుంది.
- ఇది శృంగార సమయాన్ని నేరుగా పెంచదు, కానీ ఎరెక్షన్ ను మెయింటైన్ చేయడంలో సహాయం చేస్తుంది.
- సరైన మోతాదు, డాక్టర్ సూచన లేకుండా వాడితే లో బ్లడ్ ప్రెజర్, ఛాతినొప్పి, తలనొప్పి, చూపు సమస్యలు రావచ్చు.
- హృదయ సంబంధిత వ్యాధులు ఉన్నవారు ఈ మందు తీసుకోవడం చాలా రిస్క్.
Also Read: ఆడవాళ్ళలో ట్యూబల్ బ్లాకేజ్ ఉంటే ఈ టెస్ట్ చెయ్యాల్సిందే!
తరచుగా వాడితే ఏమవుతుంది?
- స్ప్రేస్ లేదా ట్యాబ్లెట్స్‌ను ఎక్కువగా వాడితే, శరీరం వాటికి అలవాటు పడిపోతుంది.
- దీని వల్ల మానసికంగా నమ్మకం తగ్గిపోతుంది.. అంటే మెడిసిన్ లేకుండా శృంగారం చేయలేమనే భయం కలుగుతుంది.
- వీర్యకణాల నాణ్యత, స్పెర్మ్ కౌంట్ పై కూడా దీర్ఘకాలిక ప్రభావం ఉండవచ్చని కొన్ని స్టడీస్ చెబుతున్నాయి.
- ముఖ్యంగా యువకులు ఈ మెడిసిన్స్ వాడటం వల్ల ఫ్యూచర్ ఫర్టిలిటీపై ప్రతికూల ప్రభావం పడే అవకాశం ఉంది.
ఆరోగ్యకరమైన పరిష్కారాలు
డాక్టర్ శశాంత్ గారి ప్రకారం, శృంగారంలో ఎక్కువసేపు ఉండటం కోసం ఆర్టిఫిషియల్ మెడిసిన్స్ వాడటం కన్నా, ఈ క్రింది మార్గాలు మంచివి:
- కెగెల్ వ్యాయామాలు చేయడం వల్ల పెల్విక్ మసిల్స్ బలంగా అవుతాయి.
- మైండ్ రిలాక్సేషన్ టెక్నిక్స్ (యోగ, ధ్యానం, శ్వాస వ్యాయామాలు) వాడటం ద్వారా పనికొచ్చే కంట్రోల్ పొందవచ్చు.
- హెల్తీ లైఫ్ స్టైల్ - సరైన ఆహారం, వ్యాయామం, మద్యం మరియు పొగ తాగడం మానుకోవడం ద్వారా సహజంగానే శృంగార సామర్థ్యం పెరుగుతుంది.
- అవసరమైతే, ఫెర్టిలిటీ లేదా సెక్సువల్ హెల్త్ స్పెషలిస్ట్ ను సంప్రదించడం ఉత్తమం.
ఎక్కువసేపు శృంగారం చేయడానికి ట్యాబ్లెట్స్ లేదా స్ప్రేస్ వాడటం తాత్కాలిక పరిష్కారం మాత్రమే. ఇవి శాశ్వత ఫలితాలు ఇవ్వవు, పైగా దీర్ఘకాలంలో సీరియస్ హెల్త్ సమస్యలకు దారితీయవచ్చు. కాబట్టి, ఎలాంటి మెడిసిన్ వాడకముందు తప్పనిసరిగా డాక్టర్ సలహా తీసుకోవాలి. సహజమైన మార్గాలను అనుసరించడం, లైఫ్ స్టైల్ మెరుగుపరచుకోవడం ద్వారానే నిజమైన లాభం పొందవచ్చు.
Also Read: ప్రీమెచ్యూర్ ఎజాక్యులేషన్ అంటే ఏమిటి?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Andrology Hyderabad