Normal Delivery with IVF: ప్రస్తుత కాలంలో సంతానం కోసం చాలా మంది దంపతులు IVF (In-Vitro Fertilization) పద్ధతిని ఎంచుకుంటున్నారు. అయితే IVF ద్వారా గర్భం వచ్చిన తర్వాత, డెలివరీ మాత్రం తప్పనిసరిగా సిజేరియన్ ద్వారానే జరుగుతుందా? లేకపోతే నార్మల్ డెలివరీ కూడా సాధ్యమేనా? అనే సందేహం చాలా మందికి ఉంటుంది. ఈ సందేహానికి సమాధానం తెలుసుకోవడం చాలా అవసరం.
IVF గర్భధారణ అంటే ఏమిటి?
IVF అనేది గర్భం ధరించే పద్ధతి మాత్రమే. ఇందులో డాక్టర్లు అండం మరియు వీర్యకణాలను లాబ్‌లో ఫర్టిలైజ్ చేసి, ఎంబ్రియోను గర్భాశయంలో ట్రాన్స్ఫర్ చేస్తారు. ఈ ప్రక్రియ గర్భధారణ జరగడానికి సహాయం చేస్తుంది. కాని, ఒకసారి గర్భం వచ్చాక అది సహజ గర్భం లాగే ఉంటుంది. అంటే బిడ్డ ఎదుగుదల, గర్భధారణ సమయంలో జరిగే మార్పులు సహజ గర్భధారణతో పెద్దగా తేడా ఉండదు.
నార్మల్ డెలివరీ సాధ్యత: IVF ద్వారా గర్భం వచ్చిన మహిళలకు కూడా నార్మల్ డెలివరీ జరగడం పూర్తిగా సాధ్యమే. డెలివరీ నార్మల్ అవ్వాలా, లేక సిజేరియన్ అవ్వాలా అన్నది IVF వల్ల కాకుండా, ఆ మహిళ ఆరోగ్య పరిస్థితి, బిడ్డ స్థానం, బిడ్డ బరువు, గర్భాశయం పరిస్థితి, ప్రసవ సమయానికీ contractions ఎలా వస్తున్నాయనే అంశాలపై ఆధారపడి ఉంటుంది.
Also Read: Pozitiv Fertility ప్రత్యేకత ఏమిటి?
ఎందుకు ఎక్కువగా సిజేరియన్ జరుగుతుందంటే?
చాలా IVF గర్భధారణల్లో డాక్టర్లు జాగ్రత్తగా ఉండేందుకు సిజేరియన్ సేఫ్ ఆప్షన్ అని సూచిస్తారు. కారణం ఏమిటంటే, IVF ద్వారా గర్భం దాల్చిన జంటలు సాధారణంగా చాలా ఏళ్ల తర్వాత, ఎన్నో కష్టాల తర్వాత గర్భం పొందుతారు. అందుకే రిస్క్ తీసుకోకుండా సిజేరియన్ చేయడం ఇష్టపడతారు. ఇది తప్పనిసరి కాదు కానీ ఒక సేఫ్టీ మెజర్.
నార్మల్ డెలివరీకి అనుకూల పరిస్థితులు
- గర్భిణీ వయసు తక్కువగా ఉండాలి.
- బిడ్డ స్థానం (head down position) సరిగ్గా ఉండాలి.
- గర్భిణీకి డయాబెటీస్, హై బ్లడ్ ప్రెజర్ వంటి సమస్యలు లేకపోవాలి.
- గర్భధారణ మొత్తం కాలంలో ఎటువంటి క్లిష్టతలు (complications) లేకపోవాలి.
- contractions సహజంగానే మొదలవ్వాలి.
ఈ అన్ని పరిస్థితులు సక్రమంగా ఉంటే, IVF అయినా గర్భిణీకి నార్మల్ డెలివరీ సాధ్యం అవుతుంది.
మొత్తం మీద IVF చేయించుకున్నందుకు మాత్రమే నార్మల్ డెలివరీ జరగదు అనే నియమం లేదు. గర్భిణీ ఆరోగ్య పరిస్థితి బాగుంటే, గర్భధారణ సమయంలో ఎలాంటి సమస్యలు రాకపోతే IVF అయినా సహజంగానే నార్మల్ డెలివరీ జరగవచ్చు. అయితే ప్రతి కేసు ప్రత్యేకం కాబట్టి, మీ డాక్టర్ సూచనలు పాటించడం తప్పనిసరి.
Also Read: స్పెర్మ్ కౌంట్ పూర్తిగా తగ్గడానికి ఈ అలవాట్లే కారణం!
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility