Sperm Freezing:స్పెర్మ్ ఫ్రీజింగ్ లేదా స్పెర్మ్ క్రయోప్రిజర్వేషన్ అనేది ఒక ఆధునిక వైద్య సాంకేతికత. ఇందులో పురుషుల నుంచి సేకరించిన వీర్యాన్ని (స్పెర్మ్) చాలా తక్కువ ఉష్ణోగ్రతల వద్ద ద్రవ నైట్రోజన్‌లో నిల్వ చేస్తారు. దీని ప్రధాన ఉద్దేశ్యం, భవిష్యత్తులో గర్భధారణ కోసం వీర్యాన్ని సురక్షితంగా ఉంచడం. ఇది ముఖ్యంగా తల్లిదండ్రులు కావాలనుకునే కానీ ప్రస్తుతం సాధ్యం కాని పరిస్థితుల్లో ఉన్నవారికి ఎంతో ఉపయోగకరం.
 |
| Sperm Freezing |
స్పెర్మ్ ఫ్రీజింగ్ అవసరం ఎందుకు వస్తుంది?
కొన్ని సందర్భాల్లో పురుషులు భవిష్యత్తులో పిల్లల తల్లిదండ్రులు కావాలనే ఆలోచన ఉన్నప్పటికీ, అప్పటివరకు వారి ఆరోగ్య పరిస్థితులు లేదా వృత్తి కారణాల వల్ల సమస్యలు ఏర్పడే అవకాశం ఉంటుంది.
ఉదాహరణకు:
- కేన్సర్ చికిత్స (కీమోథెరపీ, రేడియేషన్) వల్ల స్పెర్మ్ నాణ్యత దెబ్బతినే అవకాశం ఉంది.
- వయసు పెరిగే కొద్దీ స్పెర్మ్ క్వాలిటీ తగ్గిపోతుంది.
- డయాబెటీస్, జెనెటిక్ డిసార్డర్స్ వంటి వైద్య సమస్యలు భవిష్యత్తులో ఫర్టిలిటీని ప్రభావితం చేస్తాయి.
- ఆర్మీ, నేవీ, ఎయిర్ ఫోర్స్ లేదా హై రిస్క్ ఉద్యోగాలు చేసే వారు ఎప్పుడైనా ప్రమాదానికి గురయ్యే అవకాశం ఉంటుంది.
- వివాహం ఆలస్యమయ్యే వారు లేదా ఇప్పుడే పిల్లలు పెట్టాలని అనుకోని వారు భవిష్యత్తు కోసం స్పెర్మ్ ఫ్రీజ్ చేయించుకోవచ్చు.
స్పెర్మ్ ఫ్రీజింగ్ ఎలా చేస్తారు?
మొదటగా, పురుషుడి నుంచి స్పెర్మ్ నమూనాను సేకరిస్తారు. ఇది సాధారణంగా మస్తుర్బేషన్ ద్వారా లేదా కొన్ని సందర్భాల్లో ప్రత్యేక పద్ధతుల ద్వారా తీసుకుంటారు. తర్వాత ల్యాబ్‌లో స్పెర్మ్ క్వాలిటీ, మోర్ఫాలజీ, మోటిలిటీని పరీక్షిస్తారు. తరువాత వీటిని ప్రత్యేకమైన క్రయోప్రొటెక్టెంట్స్‌తో కలిపి ద్రవ నైట్రోజన్ ట్యాంక్‌లో -196°C ఉష్ణోగ్రత వద్ద నిల్వ చేస్తారు. ఈ స్థితిలో స్పెర్మ్ చాలా సంవత్సరాల పాటు జీవన శక్తిని కోల్పోకుండా నిలిచి ఉంటుంది.
Also Read: ఎలక్ట్రానిక్ గ్యాడ్జెట్స్ ఫర్టిలిటీపై ఎలా ప్రభావం చూపుతుంది?
ఎంతకాలం స్పెర్మ్ నిల్వ ఉంటుంది?
సైన్స్ ప్రకారం, స్పెర్మ్ ఫ్రీజింగ్ చేసిన తర్వాత 10 నుండి 15 సంవత్సరాల వరకు కూడా ఉపయోగించవచ్చు. కొన్ని సందర్భాల్లో 20 సంవత్సరాల తరువాత కూడా విజయవంతమైన గర్భధారణలు జరిగిన ఉదాహరణలు ఉన్నాయి. అంటే, సరిగ్గా నిర్వహించిన స్పెర్మ్ ఫ్రీజింగ్ వల్ల భవిష్యత్తులో పిల్లల కల సాకారం కావచ్చు.
స్పెర్మ్ ఫ్రీజింగ్ ప్రయోజనాలు
- భవిష్యత్తులో తల్లిదండ్రులు కావాలనే కలను నిలబెట్టుకోవచ్చు.
- ఆరోగ్య సమస్యలు ఉన్నవారికి సురక్షితమైన ఆప్షన్.
- IVF, IUI, ICSI వంటి ఆర్టిఫిషియల్ రిప్రొడక్షన్ టెక్నిక్స్‌లో స్పెర్మ్‌ను ఉపయోగించుకోవచ్చు.
- వృత్తి, వయస్సు, వ్యక్తిగత కారణాల వల్ల ప్రస్తుతం పిల్లలు పెట్టలేని వారు భవిష్యత్తులో సిద్ధం కావచ్చు.
స్పెర్మ్ ఫ్రీజింగ్ లోపాలు
ఇది చాలా సురక్షితమైన ప్రక్రియ అయినప్పటికీ, కొన్ని పరిమితులు ఉంటాయి. ఫ్రీజ్ చేసిన తర్వాత స్పెర్మ్ నాణ్యతలో కొద్దిగా తగ్గుదల రావచ్చు. అలాగే, స్పెర్మ్ నిల్వకు కొంత ఖర్చు అవసరం అవుతుంది.
స్పెర్మ్ ఫ్రీజింగ్ అనేది ఆధునిక మెడికల్ సైన్స్ ఇచ్చిన గొప్ప వరం. భవిష్యత్తులో తల్లిదండ్రులు కావాలని కలగంటున్న, కానీ ప్రస్తుతం అనుకూల పరిస్థితులు లేని పురుషులకు ఇది ఒక అద్భుత పరిష్కారం. సరైన సమయంలో డాక్టర్ల సలహా తీసుకుని స్పెర్మ్ ఫ్రీజింగ్ చేయించుకోవడం ద్వారా కుటుంబ కలను సాకారం చేసుకోవచ్చు.
Also Read: స్పెర్మ్ టెస్ట్ లో వీర్యం ఎలా ఇవ్వాలి? తీసుకోవాల్సిన జాగ్రత్తలు!
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility