Pre-Egg Freezing Tests: ఎగ్ ఫ్రీజింగ్ చేసే ముందు స్త్రీ ఆరోగ్యాన్ని పూర్తిగా అంచనా వేసేందుకు వైద్య నిపుణులు కొన్ని ముఖ్యమైన మెడికల్ టెస్టులను సూచిస్తారు. ఈ పరీక్షలు అండాశయ సామర్థ్యం (Ovarian Reserve), హార్మోన్ల స్థాయిలు, శరీర దృఢత మరియు ఫెర్టిలిటీపై ప్రభావం చూపే ఇతర ఆరోగ్య సంబంధిత అంశాలపై స్పష్టత ఇస్తాయి.
1. AMH టెస్ట్ (Anti-Mullerian Hormone): ఈ పరీక్ష ద్వారా అండాశయంలో ఎన్ని అండాలు మిగిలి ఉన్నాయో అంచనా వేస్తారు. ఇది అండాశయ సామర్థ్యాన్ని చూపే ముఖ్యమైన సూచిక. AMH స్థాయి అధికంగా ఉంటే అండాలు తగినంతగా ఉత్పత్తి అవుతాయన్న అర్ధం. తక్కువగా ఉంటే, తక్కువ అండాలు మిగిలి ఉన్నాయని అర్థం.
2. FSH - LH హార్మోన్ల పరీక్షలు: FSH (Follicle Stimulating Hormone) మరియు LH (Luteinizing Hormone) టెస్టులు కూడా చేయిస్తారు. ఇవి మీ పీరియడ్స్ ప్రారంభమైన మొదటి 2–5 రోజులలో తీసుకుంటారు. ఈ హార్మోన్ల స్థాయిలు ఫెర్టిలిటీ స్థితిని అంచనా వేయడంలో కీలకం. అధిక స్థాయిలో FSH ఉన్నా, అండాశయ నాణ్యత తగ్గినట్లు భావిస్తారు.
3. Estradiol (E2) టెస్ట్: ఇది ఈస్ట్రోజెన్ హార్మోన్‌కు సంబంధించిన పరీక్ష. Estradiol స్థాయిలు కూడా అండాశయ పనితీరును అంచనా వేయడానికి ఉపయోగపడతాయి. FSH టెస్ట్‌కి ఈ టెస్ట్‌ను కలిపి చూసినప్పుడు అత్యంత సమగ్ర సమాచారం లభిస్తుంది.
Also Read: ఎగ్ ఫ్రీజింగ్ ప్రక్రియ ఎలా జరుగుతుంది?
4. అండాశయ అల్ట్రాసౌండ్ (Transvaginal Ultrasound): ఈ స్కాన్ ద్వారా అండాశయాల్లో ఉన్న ఫోలికల్స్‌ను ప్రత్యక్షంగా చూడగలుగుతారు. ఇది "Antral Follicle Count (AFC)" ఇవ్వడం ద్వారా అండాశయ సామర్థ్యాన్ని ఫిజికల్‌గా అంచనా వేస్తుంది. AFC మరియు AMH కలిసి ఒకసారి చూసినప్పుడు అండాశయ రిజర్వ్‌పై పూర్తి స్పష్టత వస్తుంది.
5. ఇతర సాధారణ ఆరోగ్య పరీక్షలు:
- బ్లడ్ షుగర్, థైరాయిడ్ ఫంక్షన్ టెస్టులు (TSH)
- సెల్ కౌంట్ (CBC), లివర్ & కిడ్నీ ఫంక్షన్ టెస్టులు
- ఇన్ఫెక్షన్ల స్క్రీనింగ్ (HIV, Hepatitis B & C, Rubella, Syphilis)
ఈ పరీక్షలు అవసరమైన శస్త్రచికిత్సలు, ఇంజెక్షన్లకు ముందు సురక్షితంగా ఉండేందుకు చేస్తారు.
6. పెల్విక్ పరీక్ష మరియు జనరల్ ఫిజికల్ ఎగ్జామ్: ఫెర్టిలిటీ నిపుణులు శరీర స్థితిని పరిశీలించి, మీ ఆరోగ్య స్థితిని సమగ్రంగా అర్థం చేసుకుంటారు. పెల్విక్ పరీక్షలో యుటరస్, ఓవరీలు, ఇతర రీప్రొడక్టివ్ అవయవాలలో ఏమైనా అసాధారణతలు ఉన్నాయా అనే విషయాన్ని గుర్తిస్తారు.
ఈ మెడికల్ టెస్టులన్నింటి ద్వారా వైద్యులు మీ శరీరం ఎగ్ ఫ్రీజింగ్‌కు సిద్ధంగా ఉందా? ఏవైనా అవరోధాలు ఉన్నాయా? అన్నది అంచనా వేసి, తర్వాతే హార్మోన్ ఇంజెక్షన్లు మొదలుపెడతారు. ఎగ్ ఫ్రీజింగ్ మొదలుపెట్టే ముందు ఈ టెస్టులు తప్పనిసరి అనే చెప్పాలి.
Also Read: స్పెర్మ్ కౌంట్ తక్కువగా ఉన్న పురుషులకు IUI ఎలా సహాయపడుతుంది?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility