Risks of IVF after 40: వయస్సు ఎక్కువ అయిన మహిళలకు IVF ట్రీట్మెంట్ సురక్షితమేనా అనే ప్రశ్న చాలా మందిలో ఉత్కంఠ కలిగిస్తుంది. వాస్తవంగా చెప్పాలంటే వయస్సు పెరిగినా IVF ట్రీట్మెంట్ సురక్షితంగా చేయవచ్చు, కానీ కొన్ని ముఖ్యమైన అంశాలు, జాగ్రత్తలు తీసుకోవాలి. ఇది సాధారణ గర్భధారణ కంటే కొంత రిస్క్ తో కూడినదే అయినప్పటికీ, సాంకేతికత మరియు మెడికల్ అడ్వాన్సుమెంట్ వల్ల మంచి ఫలితాలు సాధ్యపడుతున్నాయి.
1. వయస్సు మరియు ఎగ్ క్వాలిటీ: 35 ఏళ్ల తర్వాత మహిళలలో ఎగ్ క్వాలిటీ మరియు కౌంట్ తగ్గుతుంది. 40 ఏళ్ల తరువాత ఈ సమస్య మరింత స్పష్టంగా కనిపిస్తుంది. ఈ వయస్సులో IVF ట్రీట్మెంట్ తీసుకుంటే, విజయం సాధించే అవకాశాలు తక్కువగా ఉండవచ్చు. అయితే, అవసరమైతే డోనర్ ఎగ్స్ ద్వారా గర్భధారణ సాధించవచ్చు.
2. హార్మోన్ల సమతుల్యత పరీక్ష: వయసు పెరిగిన మహిళలకు IVF మొదలుపెట్టే ముందు హార్మోన్ లెవల్స్, యుటరైన్ హెల్త్, బాడీ కండిషన్ అన్నీ డాక్టర్ ప్రాసెస్ చేస్తారు. ఇది పూర్తిగా వ్యక్తిగత ఆరోగ్య స్థితిపై ఆధారపడి ఉంటుంది.
3. గర్భధారణ సమయంలో వచ్చే సమస్యలు: వయస్సు ఎక్కువగా ఉన్నవారికి గర్భధారణ సమయంలో హై బీపీ, గెస్టేషనల్ డయాబెటిస్, ప్రీమెచ్యూర్ డెలివరీ వంటి సమస్యలు వచ్చే అవకాశాలు ఉంటాయి. అందువల్ల, IVF ద్వారా గర్భం వచ్చిన తర్వాత రెగ్యులర్ మానిటరింగ్, మెడికల్ కేర్ చాలా అవసరం.
Also Read: IVF ప్రాసెస్ ప్రారంభం నుండి ముగింపు వరకు ఎంత సమయం పడుతుంది?
4. మెంటల్, ఫిజికల్ రెడీనెస్: IVF ఒక ఎమోషనల్ జర్నీ కూడా. వయసుతో పాటు ఫిజికల్, మెంటల్ స్టెబిలిటీ, సహనం అవసరం. ట్రీట్మెంట్ సమయంలో ఒత్తిడిని తగ్గించుకోవడం, ఆరోగ్యకరమైన జీవనశైలి పాటించడం ఎంతో కీలకం.
5. విజయ శాతం (Success Rate): వయస్సు పెరిగేకొద్దీ IVF విజయశాతం తగ్గుతుంది. ఉదాహరణకి 30ల మధ్య వయస్సులో సక్సెస్ రేట్ సుమారుగా 40–50% ఉండగా, 40 ఏళ్లు దాటి మహిళలలో ఇది 10–15%కి తగ్గిపోవచ్చు. అయితే, ఇది వారి ఆరోగ్య స్థితిని బట్టి మారవచ్చు.
వయస్సు ఎక్కువైనా IVF ద్వారా తల్లి కావడం సాధ్యమే. అయితే దీనికి ముందు పూర్తి ఆరోగ్య పరీక్షలు, డాక్టర్ గైడెన్స్ తప్పనిసరి. డోనర్ ఎగ్స్, ఎంబ్రియో ఫ్రీజింగ్ వంటి ఆప్షన్లు కూడా ఆలోచన చేయవచ్చు. సాంకేతికంగా ఇది సురక్షితమైన ప్రక్రియే అయినప్పటికీ, వ్యక్తిగత ఆరోగ్య పరిస్థితులు, డాక్టర్ గైడెన్స్ చాలా కీలకం.
Also Read: IVF లో జెండర్ సెలెక్ట్ చేసుకోవచ్చా?
మరింత సమాచారం కోసం ఇప్పుడే మా ఛానల్ ను సబ్స్క్రైబ్ చేసుకోండి Pozitiv Fertility