AMH Test for Fertility: ప్రస్తుతం సంతానోత్పత్తి సమస్యలు పెరుగుతున్న నేపథ్యంలో, AMH టెస్ట్ (Anti-Mullerian Hormone Test) చాలా ముఖ్యమైనది. ఈ టెస్ట్ ద్వారా ఒక మహిళ గర్భం దాల్చే అవకాశాలను అంచనా వేయవచ్చు. AMH అనేది గర్భాశయంలోని అండాశయాల (Ovaries) ఆరోగ్యాన్ని, అండాల నిల్వ (Ovarian Reserve) ను తెలియజేసే ముఖ్యమైన హార్మోన్.
AMH టెస్ట్ అంటే ఏమిటి? AMH అనేది అండాశయాల్లోని ఫాలికల్స్ (Follicles) నుండి ఉత్పత్తి అవుతుంది. ఒక మహిళకు ఎన్ని అండాలు ఉన్నాయో, భవిష్యత్తులో గర్భం దాల్చే అవకాశాలు ఏవో ఈ టెస్ట్ ద్వారా అంచనా వేయవచ్చు. ఇది ప్రత్యేకంగా IVF, IUI వంటి ట్రీట్మెంట్స్ కోసం మాత్రమే కాదు, న్యాచురల్ ప్రెగ్నెన్సీ కోసం కూడా చాలా ఉపయోగకరం.
AMH లెవెల్ ఎంత ఉండాలి?
AMH లెవెల్ మహిళలో ఫెర్టిలిటీకి ఒక ముఖ్య సూచిక. కానీ ఇది ఒక్కటే కాకుండా, వయసు, జీవనశైలి, గర్భాశయం ఆరోగ్యం, స్పెర్మ్ క్వాలిటీ వంటి అనేక అంశాలు కూడా న్యాచురల్ ప్రెగ్నెన్సీ అవకాశాలను నిర్ణయిస్తాయి. సరైన సమయంలో టెస్ట్ చేయించుకోవడం, డాక్టర్ సలహా తీసుకోవడం చాలా అవసరం.
- సాధారణంగా 1.0 - 3.0 ng/ml మధ్య AMH లెవెల్ ఉంటే, ఆ మహిళకు సరిపడ అండాల నిల్వ ఉందని అర్థం.
- 1.0 కంటే తక్కువ ఉంటే అండాల సంఖ్య తగ్గిందని, గర్భం దాల్చే అవకాశాలు కష్టతరమవుతాయని చెప్పవచ్చు.
- 3.0 కంటే ఎక్కువ ఉంటే Polycystic Ovary Syndrome (PCOS) ఉండే అవకాశం ఉంటుంది.
AMH తక్కువగా ఉంటే? AMH లెవెల్ తక్కువగా ఉన్న మహిళలు నిస్సహాయంగా భావించాల్సిన అవసరం లేదు. ఎందుకంటే:
- జీవనశైలిలో మార్పులు (పొగ తాగడం, మద్యం మానుకోవడం, ఆరోగ్యకరమైన ఆహారం)
- వ్యాయామం
- తగినంత నిద్ర, స్ట్రెస్ తగ్గించడం
IVF లేదా ఇతర ట్రీట్మెంట్లలో AMH ప్రాముఖ్యత: AMH లెవెల్ తక్కువగా ఉన్నవారికి IVF లేదా IUI ట్రీట్మెంట్లు వైద్యులు సూచిస్తారు. IVF లో తక్కువ అండాలు ఉన్నా, మంచి నాణ్యత కలిగిన అండం ఉంటే గర్భం దాల్చే అవకాశాలు ఉంటాయి.
Dr. Sasi Priya గారి సూచనల ప్రకారం -
Dr. Sasi Priya గారి సూచనల ప్రకారం -
- AMH లెవెల్ 1.5 – 2.5 ng/ml ఉంటే న్యాచురల్ ప్రెగ్నెన్సీ అవకాశాలు మెరుగ్గా ఉంటాయి.
- AMH తక్కువగా ఉన్న మహిళలు వెంటనే వైద్యుడిని సంప్రదించి, ఫెర్టిలిటీ ట్రీట్మెంట్లు లేదా ఎగ్ ఫ్రీజింగ్ వంటి ఆప్షన్లను పరిగణించాలి.
- వయసు 35 దాటిన తర్వాత AMH లెవెల్ సహజంగానే తగ్గుతుందని గుర్తుంచుకోవాలి.